Rányrkja

Það er svosem virðingarvert að velja að hækka áfengi og tóbak frekar en mat og rafmagn, en í raun kemur það í sama stað niður þegar vísitala hækkar og allir verða að borga sama hvort þeir reykja og eða drekka eða ekki. 

Auk þess virðist hækkun á sköttum vera að mestu leyti að leyta ullar í geitarhúsi eða klippa hárið af sköllóttum. Ef fólk á ekkert er ekki af miklu að taka.

Að sjálfsögðu á að auka tekjur ríkissjóðs, en væri ekki skynsamlegra að gera það með að auka virðisaukningu innanlands, nýsköpun, eflingu ferðaiðnaðar og svo framvegis, það má lesa um þessa möguleika í eldri bloggum.

Ég held að maður fái ekki mikið vatn við að vinda þurran klút og hættan á að sá landflótti sem þegar er hafinn muni stóraukast þegar ekkert er eftir að verja og kaupmáttur verður verulega minni en í nágrannal0ndunum.

Með von um betri tíð og lægri vexti

Boðar auknar álögur á áfengi og tóbak