Mikið var.

Mjór er mikils vísir og ég vona að þetta sé upphafið af að ná samkomulagi um að hætta skítkasti og snúa sér að að leysa úr þeirri erfiðu stöðu sem Ísland er í.
Bara að tíminn verði þá nýttur í að vinna að úrlausn verkefnanna og ekki í að þræta um þau.
Með von um betri tíð og lægri vexti.

Samþykkt að ræða önnur mál

Athugasemdir

[axel (IP-tala skráð) 4.12.2009 kl. 22:56]

Elsku karlinn minn, þinghúsflónin eiga ekki eftir að leysa neinn vanda.

[Kjartan Björgvinsson, 4.12.2009 kl. 23:14]

Meðan að það er líf þá er von eins og vopnasalarnir segja.

[Stefán Lárus Pálsson, 4.12.2009 kl. 23:29]

Við kusum þetta fólk sem þið kallið flón, til starfa fyrir okkar hönd á alþingi, þau eru þarna á okkar ábyrgð í okkar umboði, fulltrúar okkar! Þverskurður af þjóðinni!! Horfum í spegil, og hvað sjáum við? Jú, sjálfumglaða þrasara, sem þykjast hafa hreinan skjöld!! En það eru bara þau hin, sem þurfa að taka sig á....................! Dæmigert fyrir þennan þjóðflokk, sem telur sig standa öðrum framar, á hverju sem gengur! Við erum sko Íslendingar!!!

[Kjartan Björgvinsson, 4.12.2009 kl. 23:37]

Stefán.

Ég kaus engann af þessum fríða flokki. Ég hef heldur ekki kallað neinn þeirra flón, þó sum þeirra eigi það og jafnvel verri nöfn skilið. Ég tel mig langt í frá öðrum framar, jafnvel töluvert aftar vegna þjóðernis míns. Hins vegar finnst mér að þeir sem hafa boðið sig fram og verið kosnir á Alþingi af þjóðinni eigi að vinna að velgengni hennar, frekar en að reyna að upphefja sjálfa sig og lítilsvirða andstæðinga sína. Núna er staða sú að það þarf að moka skít. Svo hvernig væri að grípa skófluna og fara að moka í stað þess að þrasa um hverjum skíturinn er að kenna og hvernig hugsanlega hann geti gufað upp af sjálfsdáðum.

[Sindri Karl Sigurðsson, 4.12.2009 kl. 23:49]

Mikið er ég sammála þér varðandi skófluna og skítinn, svo ég tali nú ekki um að hefjast handa við að moka helvítis hauginn og hætta að kenna einhverjum um.

Það gerist ekkert á meðan verið er að kenna einhverjum um. Mér var uppálagt sem polli að það skipti ekki máli hver byrjaði. Tilfellið er að í sumum tilfellum man það enginn þegar á líður og jafnvel ekki af hverju...

Gáfulegt eða hitt þó.

[Stefán Lárus Pálsson, 5.12.2009 kl. 11:40]

Kjartan, er þér hjartanlega sammála, við þurfum athafnir, en ekki orðagjálfur og skítkast úr ræðustóli þingsins. Fólk er búið að fá meira en nóg af slíku.  Verkefnin eru ærin, og það þarf að taka til hendinni, og miklu að moka áður enn leiðin verður greið til framtíðar!