Mikið var.

Mjór er mikils vísir og ég vona að þetta sé upphafið af að ná samkomulagi um að hætta skítkasti og snúa sér að að leysa úr þeirri erfiðu stöðu sem Ísland er í.
Bara að tíminn verði þá nýttur í að vinna að úrlausn verkefnanna og ekki í að þræta um þau.
Með von um betri tíð og lægri vexti.

Samþykkt að ræða önnur mál

Maður lýttu þér nær.

Því miður kemur hvergi fram í fréttinni hversu háir vextirnir sem nú er krafist eru en mér er mjög til efs að þeir séu nokkur staðar nálægt þeim vöxtum sem krafist er af alemenningi á íslandi af ríkisbönkunum og Seðlabanka Íslands.
Ef Ögmundur, þingmaður stjórnarflokks og fyrrverandi ráðherra kvartar yfir vöxtum erlendra banka er það að kasta steinum í glerhúsi. Fyrirsögnin er hins vegar hárrétt og mætti nota hana um vaxtastefnu á Íslandi, Icesave samninginn og margt fleira.
Með von um betri tíð og lægri vexti.

Ranglæti gagnvart Íslendingum

Negla á dyrnar.

Er ekki hefð fyrir að siðbótapostular negli boðskap sinn á þær dyr sem eru þeim lokaðar?

Úthýst úr Alþingishúsinu

Leynd og lygi.

Leynd, lygi og afneitun er illa til þess fallin að auka traust og samstöðu. Á hvoru tveggja, þ.e. trausti og samstöðu er mikil þörf á, til þess að uppbygging geti hafist af einhverju viti. Það er hægt að taka á sig miklar byrðar ef fólk hefur trú á að ástandið sé tímabundið og aftur birti til eftir óveðrið sem nú gengur yfir.
Því miður virðist hvorki stjórn né stjórnarandstaða skilja þetta, ríkisstjórnin virðist halda öllu leyndu sem hægt er og veikir þar með enn fremur það litla traust sem eftir er til stjórnvalda. Stjórnarandstaðan beitir málþófi til að tefja afgreiðslu mála. hvers vegna? ég get ekki komið auga á neina skynsamlega ástæðu. Þó ég telji að Íslendingar eigi ekki að bera Icesave skuldbindingarnar þá er ég farinn að halda að málsmeðferðin eigi eftir að verða meira eyðileggjandi fyrir land og þjóð en samþykki eða höfnun samningsins.
Oft var þörf en nú er nauðsyn á samstöðu og að taka málefnalega á þeim vandamálum sem liggja fyrir. Skítkast og skotgrafahernaður stjórnmálamanna er þeim öllum til ósóma. Sjáið að ykkur og vinnið saman. Það má vel vera að það sé talsverður munur á hægri og vinstri á Íslandi en hann er ekki það mikill að hann réttlæti að menn vinni ekki saman við þessar aðstæður. Myndi vinstri maður neita að grafa hægri mann úr snjóflóði eða hægri maður neyta að bjarga vinstri manni úr sjávarháska. Ég vona ekki, því miður er ástandið alveg sambærilegt. Ef sandkassaleiknum lýkur ekki er lítil von um bjartari framtíð.
Með von um betri tíð og lægri vexti.

Skuldabyrðin enn meiri

Lítilsvirðing við þjóðina og æðstu stofnun hennar.

Þjóðin kaus sína fulltrúa á Alþingi. Alþingi á að setja þau lög sem framkvæmdavaldinu ber að fylgja. Alþingismenn eiga að fylgja sannfæringu sinni.
Hvernig er þetta mögulegt þegar embættismenn eins og fjármálaráðherra ákveður að halda upplýsingum leyndum í stærstu málum. Að upplýsa formenn flokkanna er engin lausn, þar sem það tryggir ekki að upplýsingarnar berist til allra þingmanna. Þarf virkilega að minna hæstvirtan fjármálaráðherra á að á Íslandi á að heita að sé lýðræði og ekki flokksræði?
Að ekki sé minnst á þá lítilsvirðingu sem þjóðinni er sýnd með þessu háttalagi. Eftir að hafa tekið á sig þær byrðar sem fylgja gengisfalli, brjálaðri vísitölu, okurvöxtum og í mörgum tilfellum launalækkunum, þá á enn að herða þumalskrúfurnar og ekki einu sinni að upplýsa hvers vegna.
Steingrímur ertu búinn að missa alla réttlætiskennd og öll tengsl við þjóðina. Þessi valdarembingur og leynd fer þér ákaflega illa.
Með von um betri tíð og lægri vexti.

Verður að klára Icesave af ótilgreindum ástæðum

Frestur er á öllu bestur.

Við skulum endilega ekki taka ákvarðanir, fara í aðgerðir eða annað, þetta lagast allt við að fresta því. Almenningur getur fylgt fordæmi ráðamanna og frestað afborgunum af lánum, sköttum og öðru sem er óþægilegt.
Með von um betri tíð og lægri vexti.

Foreldrar fresta einum mánuði

Út úr kreppunni eða inn í hana?

Því miður bendir margt til þess að það sem heimurinn, Ísland undanskilið, hafi einungis fengið nasasjón af því sem koma skal. Margt bendir til þess að enn eigi kreppan eftir að stökkbreytast úr fjármála og lausafjárkreppu í fullvaxna efnahagskreppu. Vona að sú verði ekki raunin en af svo verður eiga GB og USA eftir að sjá eftir að hafa varið öllu púðrinu í að verja fjármagnseigendur.

Útsöluæði á Svörtum föstudegi

Arion?

Verður lógóið þá hakakross?

Kaupþing verður Arion banki

Hvað er maðurinn að segja?

Getur einhver útskýrt fyrir mér hvað um er að ræða?
Hverjir eru þessir aðilar, hvaða óskyldu þætti er um að ræða og hvað er Seðlabanki Íslands að skipta sér af þessu ef það snýr ekki að Íslandi?
Er SÍ kominn í hagsmunagæslu fyrir erlenda aðila?
Hvað er það nú sem embættismannakerfið vill halda leyndu fyrir vinnuveitendum sínum?
Ætlar gjaldþrota Seðlabankinn nú að hafa vit fyrir þegnunum eins og svo oft áður og ákveða fyrir þá hvað þeir hafa gott af að vita og hvaða vitneskja er þeim óholl?
Ef að AGS þarf á prófarkarlesara og álitsgjafa að halda, held ég að sjóðurinn ætti að leyta annað en til SÍ og ef til vill sjá til þess að breytingar vegna slíks prófarkarlesturs séu tilbúnar fyrir útgáfudag. Að vísu virðist fengin reynsla benda til þess að deadlines séu ekki neitt sem AGS tekur sérstaklega alvarlega, alla vega ekki ef hún snýst um eigið starf.
Það væri áhugavert að vita hverjar spurningar blaðamannsins voru og hvort upplýsingar SJS vara þeim.

Vildu skoða betur afmarkaðar upplýsingar

Margt skrýtið í kýrhausnum

Það hlýtur að teljast meira en lítið skrýtið að Seðlabankinn óski eftir að birtingu á svo mikilvægri skýrslu verði frestað, enn skrýtnara er að hann upplýsi ekki skýrt hverjar ástæðurnar eru. Það er líka skrýtið og kannski jákvætt að AGS fari eftir tilmælum SÍ. Stór skrýtið er að fjármálaráðherra virðist ekki vita hvað er á seiði. Skrýtnast af öllu er þó að Mbl sem áður þótti einn sterkasti fjölmiðill Íslands lætur sér nægja að vísa í fréttastofu Stöðvar 2 og virðist ekki hafa ómakað sig við að afla eigin upplýsinga um málið.
Því miður virðist allt vera við sama heygarðshornið og fyrir hrun. Seðlabankinn hefur upplýsingar en af einhverjum annarlegum ástæðum verður að halda þeim frá þeim þegnum sem hann á að þjóna, stjórnmálamennirnir vita ekki hvað er að gerast og fjölmiðlarnir bregðast hlutverki sínu.
Helvítis fucking fokk.

Skýrslu frestað að ósk Seðlabanka